മലയാളത്തിലെ ആദ്യചലച്ചിത്ര നായികയായ പികെ റോസിയുടെ സ്മരണയ്ക്കായി ഏര്‍പ്പെടുത്തിയ പുരസ്‌കാരം കെപിഎസി ലളിതയ്ക്ക് ലഭിച്ചു. മലയാള ചലച്ചിത്ര രംഗത്തിന് നല്‍കിയ മഹത്തായ സംഭാവനകള്‍ പരിഗണിച്ചാണ് കെപിഎസി ലളിതയ്ക്ക് ഈ പുരസ്‌കാരം നല്‍കിയത്.
തിരുവനന്തപുരത്തെ ഭരത് ഭവനില്‍ വച്ച് നടക്കുന്ന ഫീമെയില്‍ ഫിലിം ഫെസ്റ്റിവലില്‍ മുഖ്യമന്ത്രി പിണറായി വിജയന്‍ കെപിഎസി ലളിതയ്ക്ക് പുരസ്‌കാരം സമ്മാനിക്കും. ഡിസംബര്‍ നാലിനാണ് പുരസ്‌കാരദാനം.
മലയാളത്തിലെ ആദ്യ ചലച്ചിത്രമായ ‘വിഗതകുമാര’നിലെ നായികാ വേഷം അവതരിപ്പിച്ച പികെ റോസിയുടെ സ്മരണയ്ക്കായി ഏര്‍പ്പെടുത്തിയ പുരസ്‌കാരമാണ് പികെ റോസി മെമ്മോറിയല്‍ പുരസ്‌കാരം. ഉര്‍വശി, ശാരദ, കവിയൂര്‍ പൊന്നമ്മ എന്നീ അഭിനേത്രികള്‍ പികെ റോസി പുരസ്‌കാരത്തിന് അര്‍ഹരായിട്ടുണ്ട്.
The post കെപിഎസി ലളിതയ്ക്ക് പികെ റോസി പുരസ്‌കാരം appeared first on DC Books.