കൊച്ചി: മഹാകവി ജി.ശങ്കരക്കുറുപ്പ് സ്ഥാപിച്ച ഗുരുവായൂരപ്പന്‍ ട്രസ്റ്റിന്റെ 2019-ലെ ഓടക്കുഴല്‍ അവാര്‍ഡ് മലയാളത്തിലെ പ്രശസ്ത കഥാകൃത്ത് എന്‍.പ്രഭാകരന്. മായാമനുഷ്യന്‍ എന്ന കൃതിയാണ് പുരസ്‌കാരത്തിന് അര്‍ഹമായത്. 30,000 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം.
ജി.ശങ്കരക്കുറുപ്പിന്റെ 42-ാം ചരമവാര്‍ഷികദിനമായ ഫെബ്രുവരി രണ്ടാം തീയതി എറണാകുളം സമസ്ത കേരള സാഹിത്യപരിഷത് മന്ദിരത്തിലെ ജി.സ്മാരക ഓഡിറ്റോറിയത്തില്‍വെച്ച് നടക്കുന്ന ചടങ്ങില്‍ ട്രസ്റ്റ് അധ്യക്ഷ ഡോ.എം.ലീലാവതി പുരസ്‌കാരം സമ്മാനിക്കും. പ്രൊഫ.എന്‍.ശശിധരന്‍ മുഖ്യപ്രഭാഷണവും കഥാകൃത്ത് അയ്മനം ജോണ്‍ ആശംസാപ്രസംഗവും നടത്തും.