Image may be NSFW.
Clik here to view.
വൈക്കം വിജയലക്ഷ്മി പറന്നുയരുന്നത് ലോകത്തിന്റെ നെറുകയിലേക്കാണെന്ന് സിനിമാ സംവിധായകന്‍ കമല്‍. ഈശ്വരന്റെ വലിയ കൃപ കിട്ടിയ വൈക്കം വിജയലക്ഷ്മി വൈക്കത്തിന്റെ മണ്ണിന് അഭിമാനമാണെന്ന് അദ്ദേഹം പറഞ്ഞു. സംഗീതരംഗത്ത് മുപ്പതാണ്ട് പിന്നിട്ട വൈക്കം വിജയലക്ഷ്മിയുടെ പേരില്‍ തുടങ്ങിയ വൈക്കം വിജയലക്ഷ്മി സംഗീതോത്സവത്തില്‍ സംഗീത സംവിധായകന്‍ എം.ജയചന്ദ്രന് വിജയലക്ഷ്മിയുടെ കുടുംബക്ഷേത്രത്തിന്റെ പേരിലുള്ള നാഗചാമുണ്ടേശ്വരി സംഗീതരത്‌ന പുരസ്‌കാരം നല്‍കി ആദരിക്കുകയായിരുന്നു. മലയാളത്തിലെ മികച്ച സംഗീത സംവിധായകനായ എം. ജയചന്ദ്രന് മലയാളസിനിമാലോകത്തിന് പ്രിയപ്പെട്ടവനായിമാറിയെന്ന് കമല്‍ പറഞ്ഞു.
വൈക്കം വിജയലക്ഷ്മി ചെറിയ പ്രായത്തില്‍തന്നെ ഡോക്ടറേറ്റ് നേടിയത് വലിയ ബഹുമതിയാണെന്ന് എം.ജയചന്ദ്രന് പറഞ്ഞു. സമ്മേളനം സി.കെ.ആശ എം.എല്‍.എ. ഉദ്ഘാടനം ചെയ്തു. വാര്‍ഡ് കൗണ്‍സിലര്‍ രോഹിണിക്കുട്ടി അയ്യപ്പന്‍ അദ്ധ്യക്ഷത വഹിച്ചു. സംഗീത സംവിധായകരായ ആചാര്യ ആനന്ദ് കൃഷ്ണ, കെ.ജി.വിജയകുമാര്‍, വൈക്കം വിജയലക്ഷ്മി, വിജയലക്ഷ്മിയുടെ അച്ഛന്‍ വി.മുരളീധരന്‍, അമ്മ വിമല എന്നിവര്‍ പ്രസംഗിച്ചു.
