SAMBARKKAKRANTHI
By : SHINILAL V
കൊല്ലം ; നൂറനാട് ഹനീഫ് അനുസ്മരണ സമിതി ഏര്‍പ്പെടുത്തിയ നൂറനാട് ഹനീഫ് സ്മാരക സാഹിത്യ പുരസ്‌കാരം എഴുത്തുകാരന്‍ വി ഷിനിലാലിന്. ഡിസി ബുക്‌സ് പ്രസിദ്ധീകരിച്ച ‘സമ്പർക്കക്രാന്തി’ എന്ന നോവലാണ് പുരസ്‌കാരത്തിന് അർഹമായത്. 25,052 രൂപയും പ്രശസ്തിപത്രവും അടങ്ങുന്നതാണ് പുരസ്‌കാരം.
ഡോ. ജോര്‍ജ് ഓണക്കൂര്‍ , എം.ജി.കെ. നായർ , ചവറ കെ എസ് പിള്ള എന്നിവരടങ്ങുന്ന വിധിനിർണ്ണയ സമിതിയാണ് ജേതാവിനെ തിരഞ്ഞെടുത്തത്. നൂറനാട് ഹനീഫിന്റെ പതിനാലാം ചരമവാര്‍ഷികദിനമായ ഓഗസ്റ്റ് അഞ്ചിനു പുരസ്കാരദാന ചടങ്ങ് നടക്കും.
സമകാലിക ഇന്ത്യന്‍ അവസ്ഥകളിലൂടെ സഞ്ചരിക്കുന്ന വി.ഷിനിലാലിന്റെ സമ്പര്‍ക്കക്രാന്തി, തീവണ്ടിയുടെ പശ്ചാത്തലത്തില്‍ എഴുതപ്പെട്ട മലയാളത്തിലെ ആദ്യ നോവലാണ്.