Image may be NSFW.
Clik here to view.
പ്രഥമ വയലാര്‍ രാമവര്‍മ കവിതാ പുരസ്‌കാരത്തിന് ആര്യാ ഗോപി അര്‍ഹയായി. പകലാണിവള്‍ എന്ന കവിതാസമാഹാരത്തിനാണ് പുരസ്‌കാരം. 11111 രൂപയും ഫലകവും അടങ്ങുന്നതാണ് പുരസ്‌കാരം.
കാണാത്ത മഴ എന്ന കാവ്യസമാഹാരത്തിന് ഫാസില സലീമിന് പ്രത്യേക ജൂറി പുരസ്‌കാരവും ലഭിച്ചു.ആലപ്പുഴ യുവകലാസാഹിതി ഏര്‍പ്പെടുത്തിയ പ്രഥമ പുരസ്‌കാരമാണിത്.
നാല്പത് വയസ്സില്‍ താഴെയുള്ളവരുടെ കവിതാ സമാഹാരങ്ങളാണ് അവാര്‍ഡിന് പരിഗണിച്ചത്. മാര്‍ച്ച് 30 ന് വയലാര്‍ രാമവര്‍മ്മയുടെ 90-ാം ജന്‍മവാര്‍ഷികദിനത്തില്‍ വയലാര്‍ രാഘവപ്പറമ്പിലെ സ്മൃതികുടീരത്തില്‍ നടക്കുന്ന ചടങ്ങില്‍ കവി ആലങ്കോട് ലീലാകൃഷ്ണന്‍ പുരസ്‌കാരം സമ്മാനിക്കും.
