ഈ വര്‍ഷത്തെ പാട്യം അവാര്‍ഡിന് അര്‍ബുദ രോഗ വിദഗ്ധന്‍ ഡോ. വി പി ഗംഗാധരന്‍ അര്‍ഹനായി. കാന്‍സര്‍ ബോധവത്കരണ പരിപാടികളിലും സ്വാന്തന പരിചരണ രംഗത്തും അദ്ദേഹം നടത്തുന്ന സജീവമായ പ്രവര്‍ത്തനമാണ്  അവാര്‍ഡിനര്‍ഹനാക്കിയത്. പതിനായിരം രൂപയും ശില്‍പവുമാണ് അവാര്‍ഡ്.

സിപിഐ എമ്മിന്റെ ഉജ്ജ്വല സംഘാടകനായിരുന്ന പാട്യം ഗോപാലന്റെ സ്മരണക്കായി പാട്യം സ്മാരക ക്ലബ്ബ് ഏര്‍പ്പെടുത്തിയിട്ടുള്ളതാണ് പാട്യം അവര്‍ഡ്. പത്രപ്രവര്‍ത്തനരംഗത്തും നവമാധ്യമങ്ങളിലും ആനുകാലിക രാഷ്ട്രീയ രംഗങ്ങളിലും നടത്തുന്ന ഇടപെടലുകളും മുന്‍നിര്‍ത്തി പി എം മനോജിനേയും അവാര്‍ഡിന് തിരഞ്ഞെടുത്തു.

The post ഡോ. വി പി ഗംഗാധരന് പാട്യം അവാര്‍ഡ് appeared first on DC Books.

2016 ലെ ജനനന്മ പുരസ്‌കാരത്തിന് എം. ടി. വാസുദേവന്‍ നായര്‍ അര്‍ഹനായതായി. ഗാന്ധിജിയുടെ മുഖഫലകവും 25000 രൂപയും പ്രശസ്തി പത്രവുമടങ്ങുന്നതാണ് പുരസ്‌കാരം.

കലാ– സാംസ്‌കാരിക മേഖലയിലെ മികച്ച സംഭാവനകള്‍ നല്‍കിയ വ്യക്തിക്ക് ജനനന്മ മഹാത്മാഗാന്ധി കള്‍ച്ചറല്‍ ഫോറം ആന്‍ഡ് ചാരിറ്റബിള്‍ ട്രസ്റ്റ് ഏര്‍പ്പെടുത്തിയിരിക്കുന്നതാണ് പുരസ്‌കാരം.

നവംബര്‍ ഒന്നിന് പാലക്കാട് മുനിസിപ്പല്‍ ടൗണ്‍ഹാളില്‍ നടക്കുന്ന പരിപാടിയില്‍ മഹാരാഷ്ട്ര മുന്‍ ഗവര്‍ണര്‍ കെ. ശങ്കരനാരായണന്‍ പുരസ്‌കാരം സമ്മാനിക്കും.

കേന്ദ്ര സാഹിത്യ അക്കാദമി അവാര്‍ഡ്, 1984-വയലാര്‍ അവാര്‍ഡ്, ഓടക്കുഴല്‍ അവാര്‍ഡ്, 1995ലെ ജ്ഞാനപീഠ പുരസ്‌കാരം, പത്മഭൂഷണ്‍(2005) തുടങ്ങി നിരവധി പുരസ്‌കാരങ്ങള്‍ ലഭിച്ചിട്ടുള്ള എം ടി വാസുദേവന്‍ നായര്‍ക്ക് ലിംക ബുക്കിന്റെ ആദരവും ലഭിച്ചിട്ടുണ്ട്. കൂടാതെ മലയാളസാഹിത്യത്തിനു നല്‍കിയ അമൂല്യ സംഭാവനകള്‍ കണക്കിലെടുത്ത് 1996ല്‍ കാലിക്കറ്റ് സര്‍വ്വകലാശാല ബഹുമാനസൂചകമായി ഡി.ലിറ്റ്. ബിരുദം ലഭിച്ചു.

The post എം ടി വാസുദേവന്‍ നായര്‍ക്ക് ജനനന്മ പുരസ്‌കാരം appeared first on DC Books.

പത്ര – ദൃശ്യ മാധ്യമരംഗത്തെ സമഗ്ര സംഭാവനയ്ക്കുള്ള ഇന്‍ഡിവുഡ് മീഡിയ എക്‌സലന്‍സ് പുരസ്‌കാരം മുഖ്യമന്ത്രിയുടെ മാധ്യമ ഉപദേഷ്ഠാവും എഴുത്തുകാരനുമായ പ്രഭാവര്‍മയ്ക്ക്. തെലുങ്കാന സര്‍ക്കാരും ഇന്‍ഡിവുഡ് ഫിലിം കാര്‍ണിവലും സംയുക്തമായാണ് പുരസ്‌കാരം ഏര്‍പെടുത്തിയത്.

മലയാള കവിയും ചലച്ചിത്രഗാന രചയിതാവും പത്രപ്രവര്‍ത്തകനുമായ പ്രഭാവര്‍മ 1959ലാണ് ജനിച്ചത്. ചങ്ങനാശ്ശേരി എന്‍എസ്എസ് ഹിന്ദു കോളേജില്‍ നിന്ന് ആംഗലേയ സാഹിത്യത്തില്‍ ബിരുദവും മധുര കാമരാജ് സര്‍വകലാശാലയില്‍ നിന്ന് ബിരുദാനന്തര ബിരുദവും നേടി. തിരുവനന്തപുരം ലോ കോളേജില്‍ നിന്ന് എല്‍എല്‍ബിയും കരസ്ഥമാക്കി സൗപര്‍ണിക, അര്‍ക്കപൂര്‍ണിമ, ചന്ദനനാഴി, ആര്‍ദ്രം എന്നിവയാണ് പ്രഭാവര്‍മ്മയുടെ കാവ്യസമാഹാരങ്ങള്‍. ‘പാരായണത്തിന്റെ രീതിഭേദങ്ങള്‍’ എന്ന പ്രബന്ധസമാഹാരവും ‘മലേഷ്യന്‍ ഡയറിക്കുറിപ്പുകള്‍’ എന്ന യാത്രാവിവരണവും പ്രസിദ്ധീകരിച്ചിട്ടുണ്ട്.

കേരള സാഹിത്യ അക്കാദമിയുടെ നിര്‍വാഹക സമിതി അംഗമായ പ്രഭാവര്‍മ്മയുടെ അര്‍ക്കപൂര്‍ണ്ണിമ എന്ന കവിതാസമാഹാരത്തിന് 1995 ല്‍ കേരള സാഹിത്യ അക്കാദമി പുരസ്‌കാരം ലഭിച്ചു. മലയാറ്റൂര്‍ അവാര്‍ഡ്, മഹാകവി പി പുരസ്‌കാരം, ചങ്ങമ്പുഴ അവാര്‍ഡ്, കൃഷ്ണഗീതി പുരസ്‌കാരം, വൈലോപ്പിളളി പുരസ്‌കാരം, മൂലൂര്‍ അവാര്‍ഡ്, അങ്കണം അവാര്‍ഡ്, തുടങ്ങിയവ ലഭിച്ചിട്ടുണ്ട്.

പ്രഭാവര്‍മയ്ക്ക് പുറമെ പ്രഭു ചാവ്‌ല (ദി ന്യൂ ഇന്ത്യന്‍ എക്‌സ്പ്രസ്), ഡോ. പി ജെ സുധാകര്‍ (പ്രസ് ഇന്‍ഫര്‍മേഷന്‍ ബ്യൂറോ), പല്ലിശ്ശേരി (സിനിമാ മംഗളം ഇന്‍ചാര്‍ജ്‌) ,ബ്രഹ്മാനന്ദ റെഡ്ഡി (ടിവി 5 ന്യൂസ് ചാനല്‍), മോഹന്‍ വടയാര്‍ (ദി ഗള്‍ഫ് ടുഡെ) എന്നിവര്‍ക്കാണ് സമഗ്ര സംഭാവനക്കുള്ള പുരസ്‌കാരം ലഭിച്ചത്. തെലുങ്കാന സര്‍ക്കാരിന്റെ നികുതി വകുപ്പ് സെക്രട്ടറി നവീന്‍ മിത്തലാണ് പുരസ്‌കാരങ്ങള്‍ പ്രഖ്യാപിച്ചത്.

The post പ്രഭാവര്‍മയ്ക്ക് ഇന്‍ഡിവുഡ് മീഡിയ പുരസ്‌കാരം appeared first on DC Books.

ഓള്‍ കേരള മാപ്പിള സംഗീത അക്കാദമി സംസ്ഥാന അവാര്‍ഡുകള്‍ പ്രഖ്യാപിച്ചു. ഗാനരചയിതാവ് പി. ഭാസ്‌കരന്‍ മാസ്റ്റര്‍, സംഗീത സംവിധായകന്‍ എം.എസ് ബാബുരാജ്, മഹാകവി മോയിന്‍കുട്ടി വൈദ്യര്‍, സിനിമാ താരം മോനിഷ എന്നിവരുടെ പേരിലാണ് അവാര്‍ഡ് നല്‍കുന്നത്. പി.ഭാസ്‌കരന്‍ മാസ്റ്റര്‍ അവാര്‍ഡിന് കഥാകൃത്തും കവിയുമായ ആലങ്കോട് ലീലാകൃഷ്ണനും എം.എസ് ബാബുരാജ് അവാര്‍ഡിന് ഹിന്ദുസ്ഥാനി സംഗീതജ്ഞന്‍ ഡോ. മെഹ്‌റൂഫും, മോനിഷ അവാര്‍ഡിന് കലാമണ്ഡലം അരുണ ആര്‍ മാരാരും മഹാകവി മോയിന്‍കുട്ടി വൈദ്യര്‍ അവാര്‍ഡിന് രചയിതാവും നിരൂപകനുമായ ഹസ്സന്‍ നെടിയനാടിനേയുമാണ് തിരഞ്ഞെടുത്തത്. 10001 രൂപയും പ്രശസ്തി പത്രവും ശില്‍പ്പവുമടങ്ങുന്നതാണ് അവാര്‍ഡ്.

സുപ്രഭാതം മാനേജിങ് എഡിറ്റര്‍ നവാസ് പൂനൂര്‍,കെ.എം.കെ വെള്ളയില്‍, അഡ്വ.പി.എം ഹനീഫ്, അരുണ്‍ വാര്യത്ത് എന്നിവരടങ്ങുന്ന ജൂറി കമ്മിറ്റിയാണ് അവാര്‍ഡിന് അര്‍ഹരായവരെ തിരഞ്ഞെടുത്തത്. വെള്ളിയാഴ്ച വൈകുന്നേരം 6.30ന് കോഴിക്കോട് ടൗണ്‍ഹാളില്‍ വച്ചു നടക്കുന്ന അക്കാദമിയുടെ 24ാം വാര്‍ഷികാഘോഷ ചടങ്ങില്‍ അവാര്‍ഡുകള്‍ വിതരണം ചെയ്യും. ജില്ലാ പഞ്ചായത്ത് പ്രസിഡന്റ് ബാബു പറശേരി വാര്‍ഷികാഘോഷം ഉദ്ഘാടനം ചെയ്യും. അവാര്‍ഡ് വിതരണ ചടങ്ങിനു ശേഷം ഇശല്‍ നിലാവ് റിയാലിറ്റി ഷോയും നടക്കും.

The post കേരള മാപ്പിള സംഗീത അക്കാദമി സംസ്ഥാന അവാര്‍ഡുകള്‍ പ്രഖ്യാപിച്ചു appeared first on DC Books.

കോണ്‍ഫഡറേഷന്‍ ഓഫ് തമിഴ്‌നാട് മലയാളി അസോസിയേഷന്‍സ്(സിടിഎംഎ) ആവണിപ്പൂവരങ്ങ് ഓണാഘോഷത്തോടനുബന്ധിച്ച് സമ്മാനിക്കുന്ന സാഹിത്യ പുരസ്‌കാരത്തിന് കഥാകാരന്‍ അര്‍ഷാദ് ബത്തേരി അര്‍ഹനായി. 25,000 രൂപയും പ്രശസ്തിപത്രവും അടങ്ങുന്നതാണ് പുരസ്‌കാരം.

ഡോ.സി ജി രാജേന്ദ്രബാബു ചെയര്‍മാനും ഡോ ജി പ്രഭ, ഡോ കെ ജെ അജയകുമാര്‍ എന്നിവര്‍ അംഗങ്ങളായുള്ള പുരസ്‌കാര നിര്‍ണ്ണയ സമിതിയാണ് പുരസ്‌കാരത്തിനായി അര്‍ഷാദ് ബത്തേരിയെ തിരഞ്ഞെടുത്തത്. ഒക്ടോബര്‍ 9ന് വൈകിട്ട് ചെന്നൈ പച്ചപ്പാസ് കോളജില്‍ നടക്കുന്ന പൊതുസമ്മേളനത്തില്‍ പുരസ്‌കാരം സമ്മാനിക്കും.

The post സിടിഎംഎ സാഹിത്യ പുരസ്‌കാരം അര്‍ഷാദ് ബത്തേരിക്ക് appeared first on DC Books.

നാലപ്പാടന്‍ സ്മാരക സാംസ്‌കാരിക സമിതിയുടെ ഈ വര്‍ഷത്തെ നാലപ്പാടന്‍ സ്മാരക പുരസ്‌കാരത്തിന് നേവലിസ്റ്റ് സി രാധാകൃഷ്ണന്‍ അര്‍ഹനായി. 10,000 രൂപയും പ്രശസ്തി പത്രവും ഫലകവുമടങ്ങുന്നതാണ് പുരസ്‌കാരം.

ഡോ.എം ലീലാവതി, ഡോ സുവര്‍ണ്ണ നാലപ്പാട് എന്നിവര്‍ അംഗങ്ങളായ ജൂറിയാണ് പുരസ്‌കാര ജേതാവിനെ തിരഞ്ഞെടുത്തത്. നാലപ്പാടന്‍ ജന്മദിനമായ ഒക്ടോബര്‍ 8ന് രാവിലെ 9.30ന് നാലപ്പാട്ട് നടക്കുന്ന ചടങ്ങില്‍ വിദ്യാഭ്യാസ മന്ത്രി സി രവീന്ദ്രനാഥ് സമ്മാനിക്കും.

നോവലിസ്റ്റ് , ചെറുകഥാകൃത്ത് പത്രപ്രവര്‍ത്തകന്‍ എ്ന്നീ നിലകളില്‍ പ്രശസ്തനായ സി രാധാകൃഷ്ണന്‍ 1939 ഫെബ്രുവരി 15നു തിരൂരില്‍ ജനിച്ചു. കോഴിക്കോട് ഗുരുവായൂരപ്പന്‍ കോളേജില്‍ നിന്നും പാലക്കാട് വിക്ടോറിയ കോളേജില്‍ നിന്നുമായി അദ്ദേഹം വിദ്യാഭ്യാസം പൂര്‍ത്തിയാക്കി. ചക്കുപുരയില്‍ രാധാകൃഷ്ണന്‍ എന്നാണ് മുഴുവന്‍ പേര്. മലയാളത്തില്‍ അസ്തിത്വവാദാധിഷ്ഠിത ആധുനികതയുടെ കാലത്താണ് എഴുത്തുകാരന്‍ എന്ന നിലയില്‍ സി.രാധാകൃഷ്ണന്‍ സജീവമാകുന്നത്. അക്കാലത്തെ സാഹിത്യത്തില്‍ പ്രകടമായിരുന്ന ദാര്‍ശനികദുരൂഹത തന്റെ എഴുത്തില്‍ ബോധപൂര്‍വ്വം ഇദ്ദേഹം ഒഴിച്ചു നിര്‍ത്തി. ഇദ്ദേഹത്തിന്റെ കൃതികളില്‍ വള്ളുവനാടന്‍ ഗ്രാമവും മഹാനഗരവും മാറിമാറി വരുന്ന പശ്ചാത്തലമാണ്.

കണ്ണിമാങ്ങകള്‍, അഗ്‌നി എന്നീ ആദ്യകാല നോവലുകള്‍ ഗ്രാമജീവിതം പശ്ചാത്തലമായുള്ളവയാണ്. പുഴ മുതല്‍ പുഴ വരെ, എല്ലാം മായ്ക്കുന്ന കടല്‍ എന്നീ നോവലുകള്‍ക്കു ശേഷം ബൃഹത്തായ രചനകളാണ് അധികവും അദ്ദേഹം പ്രകാശിപ്പിച്ചത്. സ്പന്ദമാപിനികളേ നന്ദി മുതലുള്ള രചനകള്‍ ഈ വിഭാഗത്തില്‍ പെടുന്നു. എഴുത്തച്ഛന്റെ ജീവിതത്തെ ആധാരമാക്കി എഴുതിയ തീക്കടല്‍ കടഞ്ഞ് തിരുമധുരം മലയാളത്തിലെ വ്യത്യസ്തമായ നോവലാണ്.

മൂര്‍ത്തീദേവി പുരസ്‌കാരം, കേന്ദ്ര-കേരള സാഹിത്യ അക്കാദമി പുരസ്‌കാരം, വയലാര്‍ പുരസ്‌കാരം, മഹാകവി ജി. പുരസ്‌കാരം തുടങ്ങി നിരവധി പുരസ്‌കാരങ്ങള്‍ ലഭിച്ചിട്ടുണ്ട്.

The post നാലപ്പാടന്‍ പുരസ്‌കാരം സി രാധാകൃഷ്ണന് appeared first on DC Books.

പുത്തേഴന്‍ അവാര്‍ഡ് പ്രശസ്ത കവി ആറ്റൂര്‍ രവിവര്‍മ്മയ്ക്ക്. 25,000 രൂപയും ഫലകവും പ്രശസ്തി പത്രവും അടങ്ങുന്നതാണ് പുരസ്‌കാരം.

പുത്തേഴത്ത് രാമന്‍ മോനോന്റെ ജന്മവാര്‍ഷികത്തോടനുബന്ധിച്ച് ഒക്ടോബര്‍ 30ന് സാഹിത്യ അക്കാദമി ഹാളില്‍ നടക്കുന്ന ചടങ്ങില്‍ പുരസ്‌കാരം സമ്മാനിക്കും.

1930 ഡിസംബര്‍ 27 ന് തൃശൂര്‍ ജില്ലയിലെ ആറ്റൂരിലാണ് ആറ്റൂര്‍ രവിവര്‍മ്മ ജനിച്ചത്. കോഴിക്കോട് സാമൂതിരി കോളജ്, മലബാര്‍ ക്രിസ്ത്യന്‍ കോളജ് , തിരുവനന്തപുരം യൂണിവേഴ്‌സിറ്റി കോളജ് എന്നിവിടങ്ങില്‍ വിദ്യാഭ്യാസം. ഗവ.കോളജ് അധ്യാപകനായിരുന്നു. എഴുത്തച്ഛന്‍ പുരസ്‌കാരത്തിനു പുറമേ കവിതയ്ക്കും വിവര്‍ത്തനത്തിനും കേന്ദ്രസാഹിത്യ അക്കാദമിയുടെയും കേരള സാഹിത്യ അക്കാദമിയുടെയും അവാര്‍ഡുകള്‍ , ആശാന്‍െ്രെപസ്, മഹാകവി പി.കുഞ്ഞിരാമന്‍ നായര്‍ അവാര്‍ഡ്, പന്തളം കേരളവര്‍മ്മ അവാര്‍ഡ് എന്നിവ ലഭിച്ചിട്ടുണ്ട്.

The post പുത്തേഴന്‍ അവാര്‍ഡ് ആറ്റൂര്‍ രവിവര്‍മയ്ക്ക് appeared first on DC Books.

ഈ വര്‍ഷത്തെ വയലാര്‍ അവാര്‍ഡ് പ്രമുഖ എഴുത്തുകാരന്‍ യു.കെ.കുമാരന്. അദ്ദേഹത്തിന്റെ തക്ഷന്‍കുന്ന് സ്വരൂപം എന്ന കൃതിക്കാണ് ഈ പുരസ്‌കാരം. മലയാളത്തിന്റെ അനശ്വരകവി വയലാറിന്റെ സ്മരണാര്‍ത്ഥം വയലാര്‍ രാമവര്‍മ്മ ട്രസ്റ്റ് ഏര്‍പ്പെടുത്തിയതാണ് ഒരു ലക്ഷം രൂപയും പ്രശസ്തിപത്രവും കാനായി കുഞ്ഞിരാമന്‍ വെങ്കലത്തില്‍ രൂപകല്‍പന ചെയത ശില്‍പ അടങ്ങുന്ന പുരസ്‌കാരം.

എം.കെ.സാനു, സേതു, എം.മുകുന്ദന്‍, കടത്തനാട് നാരായണന്‍ എന്നിവരടങ്ങുന്ന ജഡ്ജിങ് കമ്മിറ്റിയാണ് അവാര്‍ഡ് ജേതാവിനെ തിരഞ്ഞെടുത്തത്. ഒക്ടോബര്‍ 27ന് എ.കെ.ജി ഹാളില്‍ നടക്കുന്ന ചടങ്ങില്‍ അവാര്‍ഡ് നല്‍കും

1950 മെയ് 11ന് കോഴിക്കോട് ജില്ലയിലെ പയ്യോളിയില്‍ ജനിച്ച യു.കെ.കുമാരന്‍ സാമ്പത്തികശാസ്ത്രത്തില്‍ ബിരുദവും, പത്രപ്രവര്‍ത്തനത്തിലും പബ്ലിക്ക് റിലേഷന്‍സിലും ഡിപ്ലോമയും നേടി. ഇപ്പോള്‍ കേരള കൗമുദി (കോഴിക്കോട്) പത്രാധിപസമിതി അംഗവും കേരള സാഹിത്യ അക്കാദമി വൈസ് പ്രസിഡണ്ടുമാണ്.

2012ലെ വൈക്കം ചന്ദ്രശേഖരന്‍ നായര്‍ പുരസ്‌കാരം,2014ലെ ചെറുകാട് അവാര്‍ഡ് എന്നിവ ലഭിച്ച കൃതിയാണ് തക്ഷന്‍കുന്ന് സ്വരൂപം. പോലീസുകാരന്റെ പെണ്മക്കള്‍ എന്ന ചെറുകഥാസമാഹാരത്തിനു 2011ലെ മികച്ച ചെറുകഥയ്ക്കുള്ള കേരള സാഹിത്യ അക്കാദമി പുരസ്‌കാരം, എഴുതപ്പെട്ടത് എന്ന നോവലിന് ഇ.വി.ജി. പുരസ്‌കാരം, അപ്പന്‍ തമ്പുരാന്‍ പുരസ്‌കാരം എന്നിവ യു.കെ.കുമാരന് ലഭിച്ചിട്ടുണ്ട്.

റയില്‍പാളത്തില്‍ ഒരു കുടുംബം ധ്യാനിക്കുന്നു, ഒരാളെ തേടി ഒരാള്‍, ഒറ്റയ്‌ക്കൊരു സ്ത്രീ ഓടുന്നതിന്റെ രഹസ്യമെന്ത്?, ഒരു ബന്ധു കാത്തിരിക്കുന്നു, എല്ലാം കാണുന്ന ഞാന്‍, ഓരോ വിളിയും കാത്ത്, വിരലടയാളങ്ങള്‍ ഇല്ലാത്തവരുടെ നഗരം, ഒറ്റവാക്കില്‍ ഒരു ജീവിതം,  കാണുന്നതല്ല കാഴ്ചകള്‍ തുടങ്ങിയവ അടക്കം നാല്പതോളം കൃതികള്‍ യു.കെ.കുമാരന്‍ രചിച്ചിട്ടുണ്ട്.

Summary In English.

U.K.Kumaran bags Vayalar Award

The Vayalar Award of this year is bagged by U.K.Kumaran for his Thakshankunnu Swaroopam. The award is organized in the memory of Vayalar by the Vayalar Ramavarma trust. The award comprises of a purse of Rs100000 and a citation along with a bronze sculpture designed by Kanayi Kunhiraman.

The judging committee comprising of M.K.Sanu, Sethu, M.Mukundan, Kadathanadu Narayanan selected the winner. The award will be presented to the author on 27th October at AKG Centre Hall.

U K Kumaran has received numerous awards and recognitions including the Kerala Sahitya Akademi Award and Vaikom Chandrasekharan Nair Award.

The post വയലാര്‍ അവാര്‍ഡ് യു.കെ.കുമാരന് appeared first on DC Books.

സിനിമാനിരൂപകനായിരുന്ന കോഴിക്കോടന്റെ പേരില്‍ ഏര്‍പ്പെടുത്തിയിട്ടുള്ള കോഴിക്കോടന്‍ ചലച്ചിത്രഗ്രന്ഥ പുരസ്‌കാരത്തിന് കൃതികള്‍ ക്ഷണിച്ചു. 2015 ജനവരി മുതല്‍ 2016 സപ്തംബര്‍ വരെ ഒന്നാം പതിപ്പായി പ്രസിദ്ധീകരിച്ച മലയാളഗ്രന്ഥങ്ങള്‍ക്കാണ് പുരസ്‌കാരം. 10001 രൂപയും ശില്പവും പ്രശംസാപത്രവുമടങ്ങുന്നതാണ് പുരസ്‌കാരം.

അര്‍ഹമായ കൃതികള്‍ക്ക് കോഴിക്കോടന്റെ പത്താം ചരമവാര്‍ഷികദിനമായ 2017 ജനുവരി 20ന് കോഴിക്കോടുവെച്ച് പുരസ്‌കാരം നല്‍കും. ഗ്രന്ഥകാരനോ, പ്രസാധകര്‍ക്കോ കൃതികള്‍ അയക്കാവുന്നതാണ്.

അപേക്ഷകള്‍ ഒക്ടോബര്‍ 31ന് മുമ്പ് വി.പി. കൃഷ്ണദാസ്, കൃഷ്ണഗാഥ, ഈസ്റ്റ്ഹില്‍ റോഡ്, വെസ്റ്റ്ഹില്‍ പി.ഒ. കോഴിക്കോട് 673005 എന്ന വിലാസത്തില്‍ ലഭിക്കണം. പുസ്തകത്തിന്റെ മൂന്ന് കോപ്പി വീതം അയക്കണം.

The post കോഴിക്കോടന്‍ ചലച്ചിത്രഗ്രന്ഥ പുരസ്‌കാരത്തിന് കൃതികള്‍ ക്ഷണിച്ചു appeared first on DC Books.

ശ്രീചിത്തിര തിരുനാള്‍ ട്രസ്റ്റിന്റെ ശ്രീചിത്തിര തിരുനാള്‍ ദേശീയ പുരസ്‌കാരം ശ്രീചിത്തിര തിരുനാള്‍ മെഡിക്കല്‍ സെന്റിന്റെ സ്ഥാപക ഡയറക്ടര്‍ എം.എസ് വല്യത്താന്‍.

ഒരു ലക്ഷം രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം. വിവിധ മേഖലകളില്‍ രാഷ്ട്രപുരോഗതിക്കായി സേവനമനുഷ്ഠിച്ചവര്‍ക്കാണ് ശ്രീചിത്തിര തിരുനാള്‍ ദേശീയ പുരസ്‌കാരം നല്‍കുന്നത്. നവംബറില്‍ തിരുവനന്തപുരത്ത് നടക്കുന്ന ചടങ്ങില്‍ പുരസ്‌കാരം നല്‍കും.

1934 മെയ് 24ന് മാര്‍ത്താണ്ഡവര്‍മ്മയുടേയും ജാനകിയുടേയും മകനായി മാവേലിക്കരയിലാണ് മാര്‍ത്താണ്ഡവര്‍മ്മ ശങ്കരന്‍ വല്യത്താന്‍ എന്ന എം.എസ് വല്യത്താന്‍ ജനിച്ചത്. തിരുവനന്തപുരം മെഡിക്കല്‍ കോളജ്, ഇംഗ്ലണ്ടിലെ ലിവര്‍പൂള്‍ സര്‍വകലാശാല, എഡിന്‍ബറോയിലെയും ലണ്ടനിലേയും റോയല്‍ കോളജ് ഓഫ് സര്‍ജന്‍സ് എന്നിവിടങ്ങളിലായി പഠനം പൂര്‍ത്തിയാക്കിയ അദ്ദേഹം അമേരിക്കയിലെ ജോണ്‍ ഹോപ്കിന്‍സ്, ജോര്‍ജ് വാഷിങ്ടണ്‍, ജോര്‍ജ് ടൗണ്‍ യൂണിവേഴ്‌സിറ്റി ആശുപത്രികളില്‍ നിന്നായി വിദഗ്ധപരിശീലനം നേടി. എം.സി.എച്ച്, എഫ്.ആര്‍.സി.എസ്, എം.ആര്‍.സി.പി ബിരുദങ്ങള്‍ നേടി.

1974 മുതല്‍ 1994 വരെ തിരുവനന്തപുരത്തെ ശ്രീചിത്തിരതിരുനാള്‍ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സ് ആന്റ് ടെക്‌നോളജിയുടെ ഡയറക്ടറായി പ്രവര്‍ത്തിച്ച അദ്ദേഹം ഇന്‍സ്റ്റിറ്റിയൂട്ടിനെ രാജ്യാന്തര നിലവാരത്തിലേയ്ക്കുയര്‍ത്താന്‍ നല്‍കിയ സംഭാവനകള്‍ വലുതാണ്. കൃത്രിമ ഹൃദയവാല്‍വ് ഉള്‍പ്പെടെ നിരവധി ശസ്ത്രക്രിയാ ഉപകരണങ്ങള്‍ വികസിപ്പിച്ചെടുത്തതിന് നേതൃത്വം വഹിച്ചത് അദ്ദേഹമായിരുന്നു. മണിപ്പാല്‍ സര്‍വകലാശാലയുടെ ആദ്യ വൈസ്ചാന്‍സലറായി പ്രവര്‍ത്തിച്ച അദ്ദേഹത്തിന് ഇന്ത്യയിലെ അഞ്ച് പ്രമുഖ സര്‍വകലാശാലകള്‍ ഡി.എസ്.സി ബിരുദം നല്‍കി ആദരിച്ചു. രാജ്യത്തെ ഏറ്റവും വലിയ രണ്ടാമത്തെ സിവിലിയന്‍ ബഹുമതിയായ പത്മവിഭൂഷണ്‍ അടക്കം നിരവധി ദേശീയ അന്തര്‍ ദേശീയ പുരസ്‌കാരങ്ങളും ലഭിച്ചിട്ടുണ്ട്.

The post ശ്രീചിത്തിര തിരുനാള്‍ ദേശീയ പുരസ്‌കാരം ഡോ എം എസ് വല്യത്താന് appeared first on DC Books.

എസ്ബിടിയുടെ 2016 സാഹിത്യ പുരസ്‌കാരം എം മുകുന്ദനും, കെ പി രാമനുണ്ണിയ്ക്കും പ്രഭാവര്‍മ്മയ്ക്കും ലഭിച്ചു. സ്‌റ്റേറ്റ് ബാങ്ക് ഓഫ് ട്രാവന്‍കൂറിന്റെ (എസ്.ബി.ടി) സുവര്‍ണമുദ്ര പുരസ്‌കാരത്തിനാണ് മയ്യഴിയുടെ കഥാകാരന്‍ എം മുകുന്ദന്‍ അര്‍ഹനായത്. മലയാള ഭാഷക്കും സാഹിത്യത്തിനും നല്‍കിയ സംഭാവനകള്‍ പരിഗണിച്ചാണ് പുരസ്‌കാരം.

മികച്ച കഥാ സമാഹാരത്തിനുള്ള പുരസ്‌കാരത്തിനാണ് കെ പി രാമനുണ്ണി അര്‍ഹനായത്. എന്റെ പ്രിയപ്പെട്ട കഥകള്‍ എന്ന സമാഹാരത്തിനാണ് പുരസ്‌കാരം. കവിതാ സമാഹാരത്തിനുള്ള പുരസ്‌കാരം കവി പ്രഭാവര്‍മ്മയുടെ ‘അപരിഗ്രഹം’ എന്ന പുസ്തകം നേടി. രാധിക സി മേനോനാണ് ബാലസാഹിത്യ കൃതിയക്കുള്ള പുരസ്‌കാരം. രാധികയുടെ ‘പണ്ട് പണ്ട് കുഴിയാനകളുടെ കാലത്ത്’ എന്ന കൃതിയാണ് പുരസ്‌കാത്തിന് അര്‍ഹമായത്.

1942ല്‍ മയ്യഴിയില്‍ ജനിച്ച എം മുകുന്ദന്‍ ദീര്‍ഘകാലം ഡല്‍ഹിയിലെ ഫ്രഞ്ച് എംബസിയില്‍ ഉദ്യോഗസ്ഥനായിരുന്നു. കേരള സാഹിത്യ അക്കാദമി അവാര്‍ഡ്. കേന്ദ്ര സാഹിത്യ അക്കാദമി അവാര്‍ഡ്, വയലാര്‍ അവാര്‍ഡ്, ഫ്രഞ്ച് ഗവണ്‍മെന്റിന്റെ ഷെവലിയര്‍ അവാര്‍ഡ് തുടങ്ങി ചെറുതും വലുതുമായ നിരവധി പുരസ്‌കാരങ്ങള്‍ കരസ്ഥമാക്കിയിട്ടുണ്ട്. കേരള സാഹിത്യ അക്കാദമിയുടെ മുന്‍ പ്രസിഡന്റായിരുന്നു എം മുകുന്ദന്‍.

മയ്യഴിപ്പുഴയുടെ തീരങ്ങളില്‍, ദല്‍ഹി, ദല്‍ഹി ഗാഥകള്‍,ആവിലായിലെ സൂര്യോദയം, രാവും പകലും, നൃത്തം,ദൈവത്തിന്റെ വികൃതികള്‍, ഒരു ദളിത് യുവതിയുടെ കദനകഥ, കേശവന്റെ വിലാപങ്ങള്‍, പ്രവാസം,തട്ടാത്തിപ്പെണ്ണിന്റെ കല്യാണം, മുകുന്ദന്റെ കഥകള്‍ സമ്പൂര്‍ണ്ണം, കുട നന്നാക്കുന്ന ചോയി എന്നിവയാണ് എം .മുകുന്ദന്റെ ശ്രദ്ധേയമായ രചനകള്‍.

The post എസ്ബിടിയുടെ പുരസ്‌കാരം എം മുകുന്ദനും, കെ പി രാമനുണ്ണിയ്ക്കും പ്രഭാവര്‍മ്മയ്ക്കും. appeared first on DC Books.

ഈ വര്‍ഷത്തെ പ്രൊഫ. വി.അരവിന്ദാക്ഷന്‍ പുരസ്‌കാരം കെ.സച്ചിദാനന്ദന്. 25,000 രൂപയും പ്രശസ്തി പത്രവും അടങ്ങുന്നതാണ് പുരസ്‌കാരം. പ്രൊഫ. വി.അരവിന്ദാക്ഷന്‍ ഫൗണ്ടേഷന്‍ ഏര്‍പ്പെടുത്തിയതാണ് പുരസ്‌കാരം.

ഒക്ടോബര്‍ 17ന് അഞ്ചിനു സാഹിത്യ അക്കാദമിയില്‍ നടക്കുന്ന പ്രൊഫ. വി.അരവിന്ദാക്ഷന്‍ അനുസ്മരണ സമ്മേളനത്തില്‍ സി പി എം പോളിറ്റ് ബ്രയൂറോ അംഗം എം എ ബേബി പുരസ്‌കാരം നല്‍കും.

പുരസ്‌കാര ചടങ്ങിനോടനുബന്ധിച്ച് സച്ചിദാനന്ദന്റെ കവിതകളുടെ ആലാപനവും, സെമിനാറും, പ്രഭാഷണവും സംഘടിപ്പിച്ചിട്ടുണ്ട്. സമന്വയവും സംഘര്‍ഷവും എന്ന പുസ്തകത്തെ ആസ്പദമാക്കിയുള്ള സെമിനാര്‍ സാഹിത്യ അക്കാദമി സെക്രട്ടറി കെ പി മോഹനന്‍ ഉദ്ഘാടനം ചെയ്യും. കെ സച്ചിദാനന്ദന്‍ അനുസ്മരണ പ്രഭാഷണം നടത്തും.

The post കെ സച്ചിദാനന്ദന് വി അരവിന്ദാക്ഷന്‍ പുരസ്‌കാരം appeared first on DC Books.

ഷെവലിയര്‍ ഐ.സി.ചാക്കോയുടെ സ്മരണക്കായി അതിരൂപത ഏര്‍പ്പെടുത്തിയ ഷെവലിയര്‍ ഐ.സി.ചാക്കോ സാഹിത്യ സാംസ്‌കാരിക അവാര്‍ഡിന് ഡോ. സ്‌കറിയാ സക്കറിയയെ തിരഞ്ഞെടുത്തു. 25,000 രൂപയും പ്രശസ്തിപത്രവും അടങ്ങുന്നതാണ് പുരസ്‌കാരം.

ഡോ സിറിയക് തോമസ്, ഡോ. ബാബു സെബാസ്റ്റിയന്‍, ഡോ കുര്യാക്കോസ് കുമ്പളക്കുഴി എന്നിവരടങ്ങിയ ജൂറിയാണ് പുരസ്‌കാരജേതാവിനെ തിരഞ്ഞെടുത്തത്.

ഒക്ടോബര്‍ 22ന് രാവിലെ 9.30 ചങ്ങനാശ്ശേരി എസ് ബി ഹയര്‍സെക്കന്ററി സ്‌കൂള്‍ ഇന്‍ഫോ ഹബ്ബില്‍ നടക്കുന്ന ഐ സി ചാക്കോയുടെ 50-ാമത് അനുസ്മരണ സമ്മേളനത്തില്‍ പുരസ്‌കാരം സമ്മനിക്കും.

The post ഡോ സ്‌കറിയ സക്കറിയക്ക് ഐ സി ചാക്കോ പുരസ്‌കാരം appeared first on DC Books.

2016ലെ പ്രവാസി ബുക് ട്രസ്റ്റ് അവാര്‍ഡുകള്‍ പ്രഖ്യാപിച്ചു. കേരളത്തില്‍ നിന്നുള്ള പുരസ്‌കാരത്തിന് പി. ഹരീന്ദ്രനാഥിന്റെ ‘ഇന്ത്യ : ഇരുളുംവെളിച്ചവും’ എന്ന ചരിത്ര ഗ്രന്ഥം അര്‍ഹമായി. ജി.സി.സി.യിലെ എഴുത്തുകാര്‍ക്ക് നല്‍കിവരുന്ന പുരസ്‌കാരത്തിന് പി.മണികണ്ഠന്റെ ‘പുറത്താക്കലിന്റെഗണിതം'( ലേഖന സമാഹാരം ) ഷെമി രചിച്ച ‘നടവഴിയിലെ നേരുകള്‍‘ (നോവല്‍), സബീന എം സാലിയുടെ ‘കന്യാവിനോദം’ ( കഥാസമാഹാരം), രാജേഷ്ചിത്തിരയുടെ ‘ഉളിപ്പേച്ച്'( കവിതാസമാഹാരം) എന്നിവ അര്‍ഹമായി.

ജോസ്ലറ്റ് ജോസ്രചിച്ച ‘പുഞ്ചപ്പാടം കഥകള്‍’ എഴുത്തിലെ വേറിട്ട രീതിയിലുള്ളതാണെന്ന് ജൂറി പ്രത്യേക പരാമര്‍ശം നടത്തി. അവാര്‍ഡുകള്‍ ഈ മാസം 28ന് വെള്ളിയാഴ്ച അഞ്ചു മണിക്ക് ദുബൈയില്‍ വിതരണം ചെയ്യുമെന്ന്അവാര്‍ഡ് കമ്മറ്റി കണ്‍വീനര്‍ ലത്തീഫ് മമ്മിയൂര്‍ അിറയിച്ചു. മുരളിമംഗലത്ത്, ജയറാം സ്വാമി, രമേശ് പെരുമ്പിലാവ് എന്നിവരടങ്ങിയ ജഡ്ജിങ് കമ്മറ്റിയാണ് അവാര്‍ഡ് ജേതാക്കളെ തെരഞ്ഞെടുത്തത്.

The post പ്രവാസി ബുക് ട്രസ്റ്റ് അവാര്‍ഡുകള്‍ പ്രഖ്യാപിച്ചു appeared first on DC Books.

ഹൈദരാബാദിലെ മലയാളി സംഘടനയായ നവീന സാംസ്‌കാരിക കലാകേന്ദ്രം (എന്‍ എസ് കെ കെ) ഏര്‍പ്പെടുത്തിയ ഒ വി വിജയന്‍ പുരസ്‌കാരത്തിന് ചന്ദ്രമതി അര്‍ഹയായി. ‘രത്‌നാകരന്‍റെ ഭാര്യ‘ എന്ന ചെറുകഥാ സമാഹാരത്തിനാണ് പുരസ്‌കാരം ലഭിച്ചത്. 50,001 രൂപയും കാനായി കുഞ്ഞിരാമന്‍ രൂപകല്‍പന ചെയ്ത ശില്‍പവും കീര്‍ത്തിപത്രവും അടങ്ങുന്നതാണു പുരസ്‌കാരം.

തന്റെ ജീവിത പരിസരങ്ങളില്‍ വച്ചു കണ്ടുമുട്ടുന്ന ആളുകളാണ് ചന്ദ്രമതിയുടെ രത്‌നാകരന്‍റെ ഭാര്യ എന്ന  സമാഹാരത്തില്‍ കഥാപാത്രങ്ങളാകുന്നത്. സിദ്ധാന്തഭാരങ്ങളില്ലാതെ ആ കഥാപാത്രങ്ങള്‍ അവരുടെ വഴിയ്ക്കു സഞ്ചരിക്കുന്നു. കഥാകൃത്തും അവരെ പിന്തുടരുന്നു. അവര്‍ തെളിക്കുന്ന വഴിയിലൂടെ കഥ പുരോഗമിക്കുന്നു. വായനക്കാരോട് ആ കഥാപാത്രങ്ങളുടെ അന്തര്‍ഗ്ഗതങ്ങള്‍ കഥാകൃത്ത് വിശദീകരിക്കുന്നു. ഇടയ്ക്ക് തനിക്കവരെപ്പറ്റി കൂടുതലൊന്നും അറിയില്ലെന്ന് പരിതപിക്കുകയും ചെയ്യുന്നു. കഥ പറച്ചിലിന്റെ ഈ സരസതയാണ് ഈ സമാഹാരത്തെ ശ്രദ്ധേയമാക്കുന്നത്. ഡി സി ബുക്‌സാണ് ഈ കൃതിപ്രസിദ്ധീകരിച്ചിരിക്കുന്നത്.

മലയാള സാഹിത്യത്തില്‍ പെണ്ണെഴുത്തിന്റെ ശബ്ദം സജീവമാകുന്നതിന് മുമ്പു തന്നെ സ്ത്രീകളുടെ കണ്ണിലൂടെ കഥകളെ നോക്കിക്കണ്ട എഴുത്തുകാരിയാണ് ചന്ദ്രമതി. മലയാളി എഴുത്തുകാരികള്‍ക്കിടയില്‍ എന്നും ശ്രദ്ധേയമായ സ്വരമായിരുന്നു അവരുടേത്. പാരമ്പര്യത്തിന്റെ തുടര്‍ച്ചയും നവീനതയുടെ പരീക്ഷണോന്മുഖതയുടേയും സമ്മേളനങ്ങളായിരുന്നു അവരുടെ കഥകള്‍. ചന്ദ്രമതിയുടെ നിരവധി ഗവേഷണ ലേഖനങ്ങളും ഇംഗ്ലീഷിലും മലയാളത്തിലുമുള്ള വിവര്‍ത്തനങ്ങളും ദേശീയ അന്തര്‍ദേശീയ പ്രസിദ്ധീകരണങ്ങളില്‍ വന്നിട്ടുണ്ട്. കഥകളുടെ ഇംഗ്ലീഷ്, ഹിന്ദി വിവര്‍ത്തനങ്ങള്‍ പ്രസിദ്ധീകരിച്ചിട്ടുണ്ട്.

ഇംഗ്ലീഷ് സാഹിത്യത്തില്‍ ബിരുദാനന്തര ബിരുദവും പി എച്ച് ഡിയും നേടിയിട്ടുള്ള ചന്ദ്രമതി അധ്യാപികയായിരുന്നു. സാഹിത്യ അക്കാദമിയുടെ മധ്യകാല ഭാരതീയ സാഹിത്യത്തിന്റെ എക്‌സിക്യുട്ടീവ് എഡിറ്ററായും പ്രവര്‍ത്തിച്ചിട്ടുണ്ട്.  അപര്‍ണയുടെ തടവറകള്‍ (അശ്വതിയുടെയും), രത്‌നാകരന്റെ ഭാര്യ, ഇവിടെ ഒരു ടെക്കി, ദേവീഗ്രാമം, ദൈവം സ്വര്‍ഗ്ഗത്തില്‍, സ്വയം സ്വന്തം, വേതാള കഥകള്‍, പേരില്ലാപ്രശ്‌നങ്ങള്‍, ആര്യാവര്‍ത്തനം, ഞണ്ടുകളുടെ നാട്ടില്‍ ഒരിടവേള, റെയിന്‍ഡിയര്‍, തട്ടാരം കുന്നിന്‍ലെ വിഗ്രഹങ്ങള്‍, അന്നയുടെ അത്താഴ വിരുന്ന്, മദ്ധ്യകാല മലയാള കവിത എന്നിവയാണ് പ്രധാന കൃതികള്‍. ഓടക്കുഴല്‍ അവാര്‍ഡ്, കേരള സാഹിത്യ അക്കാദമി അവാര്‍ഡ്, വി പി ശശികുമാര്‍ അവാര്‍ഡ്, തോപ്പില്‍ രവി അവാര്‍ഡ് തുടങ്ങിയവ ലഭിച്ചിട്ടുണ്ട്.

നവംബര്‍ ആറിനു ഹൈദരാബാദിലെ എന്‍.എസ്.കെ.കെ സ്‌കൂള്‍ അങ്കണത്തില്‍ നടക്കുന്ന ചടങ്ങിലാണ് പുരസ്‌കാരം സമ്മാനിക്കുക. ഹിന്ദി കവിയും എഴുത്തുകാരനുമായ അശോക് വാജ്‌പെയി, കേരള സാഹിത്യ അക്കാദമി ചെയര്‍മാന്‍ വൈശാഖന്‍, ആഷാമേനോന്‍ എന്നിവര്‍ പങ്കെടുക്കും. ചടങ്ങിനോടനുബന്ധിച്ച് സാഹിത്യ സെമിനാറും ഉണ്ടാവും.

The post ഒ വി വിജയന്‍ പുരസ്‌കാരം ചന്ദ്രമതിക്ക് appeared first on DC Books.

2016 ലെ മാന്‍ ബുക്കര്‍ പ്രൈസ് അമേരിക്കന്‍ എഴുത്തുകാരനായ പോള്‍ ബീറ്റിക്ക്. അമേരിക്കയുടെ വര്‍ണവിവേചനത്തെ നിശിതമായി പരിഹസിക്കുന്ന ‘ദ സെല്‍ഔട്ട് ‘ എന്ന നോവലിനാണ് പുരസ്‌കാരം ലഭിച്ചത്. 50000 യൂറോ (36 ലക്ഷത്തിലധികം)ആണ് അവാര്‍ഡ് തുക.

നൊബേല്‍ പ്രൈസ് കഴിഞ്ഞാല്‍ ഏറ്റവുമധികം വിലമതിക്കപ്പെടുന്ന പുരസ്‌കാരമാണ് മാന്‍ ബുക്കര്‍ പ്രൈസ്. ഇത് ആദ്യമായാണ് ഒരു അമേരിക്കന്‍ എഴുത്തുകാരന് ബുക്കര്‍ പ്രൈസ് ലഭിക്കുന്നത്.

പോള്‍ ബീറ്റിയുടെ നാലാമത്തെ നോവലാണ് ദ സെല്‍ഔട്ട്. വായനക്കാര്‍ക്ക് അത്രയെളുപ്പം ദഹിക്കുന്ന നോവല്‍ അല്ല തന്റെതെന്നാണ് ബീറ്റിയുടെ അഭിപ്രായം. അതെസമയം ബുക്കര്‍ പ്രൈസ് സെലക്ഷന്‍ കമ്മിറ്റിയിലുണ്ടായിരുന്ന ചരിത്രകാരനായ അമാന്‍ഡ ഫോര്‍മാന്‍ നമ്മുടെ കാലത്തെ പുസ്തകമെന്നാണ് നോവലിനെ വിശേഷിപ്പിച്ചിരിക്കുന്നത്.

The post പോള്‍ ബീറ്റിക്ക് മാന്‍ ബുക്കര്‍ പ്രൈസ് appeared first on DC Books.

കെ.പി കേശവമേനോന്‍ സ്മാരക ട്രസ്റ്റിന്റെ ഈ വര്‍ഷത്തെ കേശവമേനോന്‍ പുരസ്‌കാരത്തിന് സി രാധാകൃഷ്ണന്‍ അര്‍ഹനായി. 25,000 രൂപയും ശില്‍പവും അടങ്ങുന്നതാണ് പുരസ്‌കാരം.

നവംബര്‍ അഞ്ചിന് വൈകിട്ട് അഞ്ചിന് തരൂര്‍ കെ.പി കേശവമേനോന്‍ ഓഡിറ്റോറിയത്തില്‍ നടക്കുന്ന കേശവമേനോന്‍ അനുസ്മരണ സമ്മേളനത്തില്‍ മലയാളം സര്‍വകലാശാല വൈസ് ചാന്‍സലര്‍ കെ ജയകുമാര്‍ പുരസ്‌കാരം നല്‍കും. മാതൃഭൂമി എഡിറ്റര്‍ എം കേശവമേനോന്‍ അനുസ്മരണപ്രഭാഷണം നടത്തും. മുണ്ടൂര്‍ സേതുമാധവന്‍ അധ്യക്ഷനാകും. സി രാധാകൃഷ്ണന്റെ സാഹിതീയ സംഭാവനകളെക്കുറിച്ച് പ്രൊഫ. വിജുനായരങ്ങാടി സംസാരിക്കും.

നോവലിസ്റ്റ്, ചെറുകഥാകൃത്ത്, പത്രപ്രവര്‍ത്തകന്‍ എന്നീ നിലകളില്‍ പ്രശസ്തനായ സി രാധാകൃഷ്ണന്‍ 1939 ഫെബ്രുവരി 15നു തിരൂരില്‍ ജനിച്ചു. കോഴിക്കോട് ഗുരുവായൂരപ്പന്‍ കോളേജില്‍ നിന്നും പാലക്കാട് വിക്ടോറിയ കോളേജില്‍ നിന്നുമായി അദ്ദേഹം വിദ്യാഭ്യാസം പൂര്‍ത്തിയാക്കി. ചക്കുപുരയില്‍ രാധാകൃഷ്ണന്‍ എന്നാണ് മുഴുവന്‍ പേര്. മലയാളത്തില്‍ അസ്തിത്വവാദാധിഷ്ഠിത ആധുനികതയുടെ കാലത്താണ് എഴുത്തുകാരന്‍ എന്ന നിലയില്‍ സി രാധാകൃഷ്ണന്‍ സജീവമാകുന്നത്. അക്കാലത്തെ സാഹിത്യത്തില്‍ പ്രകടമായിരുന്ന ദാര്‍ശനികദുരൂഹത തന്റെ എഴുത്തില്‍ ബോധപൂര്‍വ്വം ഇദ്ദേഹം ഒഴിച്ചു നിര്‍ത്തി. ഇദ്ദേഹത്തിന്റെ കൃതികളില്‍ വള്ളുവനാടന്‍ ഗ്രാമവും മഹാനഗരവും മാറിമാറി വരുന്ന പശ്ചാത്തലമാണ്.

കണ്ണിമാങ്ങകള്‍, അഗ്‌നി എന്നീ ആദ്യകാല നോവലുകള്‍ ഗ്രാമജീവിതം പശ്ചാത്തലമായുള്ളവയാണ്. പുഴ മുതല്‍ പുഴ വരെ, എല്ലാം മായ്ക്കുന്ന കടല്‍ എന്നീ നോവലുകള്‍ക്കു ശേഷം ബൃഹത്തായ രചനകളാണ് അധികവും അദ്ദേഹം പ്രകാശിപ്പിച്ചത്. സ്പന്ദമാപിനികളേ നന്ദി മുതലുള്ള രചനകള്‍ ഈ വിഭാഗത്തില്‍ പെടുന്നു. എഴുത്തച്ഛന്റെ ജീവിതത്തെ ആധാരമാക്കി എഴുതിയ തീക്കടല്‍ കടഞ്ഞ് തിരുമധുരം മലയാളത്തിലെ വ്യത്യസ്തമായ നോവലാണ്.

മൂര്‍ത്തീദേവി പുരസ്‌കാരം, കേന്ദ്രകേരള സാഹിത്യ അക്കാദമി പുരസ്‌കാരം, വയലാര്‍ പുരസ്‌കാരം, മഹാകവി ജി. പുരസ്‌കാരം തുടങ്ങി നിരവധി പുരസ്‌കാരങ്ങള്‍ ലഭിച്ചിട്ടുണ്ട്.

The post കെ പി കേശവമേനോന്‍ സാഹിത്യ പുരസ്‌കാരം സി രാധാകൃഷ്ണന് appeared first on DC Books.

കേരള ശാസ്ത്ര സാങ്കേതിക പരിസ്ഥിതി കൗണ്‍സില്‍ ഏര്‍പ്പെടുത്തിയ 2015ലെ സാഹിത്യ അവാര്‍ഡുകള്‍ വി പി ബാലഗംഗാധരന്‍, വര്‍ഗീസ് സി തോമസ്, സീമ ശ്രീനിലയം എന്നിവര്‍ക്ക്.

ജനപ്രിയ ശാസ്ത്ര സാഹിത്യത്തിനുള്ള പുരസ്‌കാരത്തിനാണ് വിക്രം സാരാഭായി ബഹിരാകാശ ഗവേഷണ കേന്ദ്രത്തിലെ മുതിര്‍ന്ന ശാസ്ത്രജ്ഞനായിരുന്ന വി പി ഗംഗാധരന്‍ അര്‍ഹനായത്. അദ്ദേഹത്തിന്റെ മംഗള്‍യാന്‍- ഒരു ശാസ്ത്രജ്ഞന്റെ കുറിപ്പുകള്‍ എന്ന കൃതിക്കാണ് അവാര്‍ഡ്.

ശാസ്ത്ര പത്രപ്രവര്‍ത്തനത്തിനുള്ള പുരസ്‌കാരമാണ് വര്‍ഗീസ് അര്‍ഹനായത്. മനോരമ പത്രത്തില്‍ 2015ല്‍ പ്രസിദ്ധീകരിച്ച ശാസ്ത്രസംബന്ധിയായ ലേഖനങ്ങള്‍ക്കാണ് പുരസ്‌കാരം.

ശാസ്ത്ര ഗ്രന്ഥത്തിന്റെ മലയാള വിവര്‍ത്തനത്തിന് നല്‍കുന്ന പുരസ്‌കാരത്തിനാണ് സീമ ശ്രീനിലയം അര്‍ഹയായത്. അബ്ദുള്‍ കലാം എ ശിവതാണുപിള്ള എന്നിവര്‍ രചിച്ച ‘we can do it- thoughts for change’ എന്ന പുസ്തകത്തിന്റെ മലയാള പരിഭാഷ ‘നമുക്കത് സാധിക്കും- മാറ്റത്തിന് വേണ്ടിയുള്ള ചിന്തകള്‍‘ എന്ന കൃതിക്കാണ് പുരസ്‌കാരം. ഡി സി ബുക്‌സാണ് ഈ കൃതി പ്രസിദ്ധീകരിച്ചത്. അധ്യാപികയയാ സീമയ്ക്ക് ഇത് രണ്ടാം തവണയാണ് കേരള ശാസ്ത്ര സാങ്കേതിക പരിസ്ഥിതി കൗണ്‍സിന്റെ പുരസ്‌കാരം ലഭിക്കുന്നത്.

പ്രൊഫ. എസ് ശിവദാസ്. പ്രൊഫ. കെ പപ്പുക്കുട്ടി, ഡോ ആറന്മുള ഹരിഹരപുത്രന്‍ എന്നിവരടങ്ങുന്ന ജൂറിയാണ് പുരസ്‌കാര ജേതാക്കളെ തിരഞ്ഞെടുത്തത്.

The post കേരള ശാസ്ത്ര സാങ്കേതിക പരിസ്ഥിതി കൗണ്‍സില്‍ സാഹിത്യ അവാര്‍ഡുകള്‍ പ്രഖ്യാപിച്ചു appeared first on DC Books.

എം.ടി.വാസുദേവന്‍ നായര്‍, എം ലീലാവതി, എം കെ സാനു, എം.പി. വീരേന്ദ്രകുമാര്‍ എന്നിവര്‍ക്ക് തുഞ്ചന്‍ സ്മരക സമിതി ഫെല്ലോഷിപ്പ് ലഭിച്ചു. ഇവരടക്കം വിവിധ മേഖലയില്‍ സമഗ്രസംഭാവന നല്‍കിയ 16 പ്രമുഖര്‍ക്കാണ് തുഞ്ചന്‍ സ്മരക സമിതി ഫെല്ലോഷിപ്പ് നല്‍കിയത്. 10,000 രൂപയും എഴുത്തച്ഛന്റെ ചിത്രം ആലേഖനംചെയ്ത മുദ്രയും ഫലകവുമാണ് ഫെല്ലോഷിപ്പായി നല്‍കുന്നത്. ഡോ.എം.ആര്‍. തമ്പാന്‍, ടി.ജി.ഹരികുമാര്‍, കല്ലറ ഗോപന്‍, കാരയ്ക്കാമണ്ഡപം വിജയകുമാര്‍, എന്നിവരടങ്ങിയ സമിതിയാണ് ഫെല്ലോഷിപ്പ് നിര്‍ണയിച്ചത്.

സാഹിത്യമേഖലയ്ക്കും സിനിമയ്ക്കും സമഗ്രസംഭാവന നല്‍കിയതിനാണ് എം.ടി.വാസുദേവന്‍ നായര്‍ക്ക് ഫെല്ലോഷിപ്പ് ലഭിച്ചത്. സാഹിത്യത്തിനും നിരൂപണത്തിനും നല്‍കിയ സംഭാവനകള്‍ കണക്കിലെടുത്താണ് എം ലീലാവതിയ്ക്കും, സാഹിത്യ വിര്‍മശനം, ദാര്‍ശനിക ചിന്ത എന്നീ മേഖലയ്ക്ക് നല്‍കിയ സംഭാവനമാനിച്ച് എം കെ സാനുവിനും, മാധ്യമപ്രവര്‍ത്തനരംഗത്തെ സംഭാവനയ്ക്കാണ്‌
എം.പി. വീരേന്ദ്രകുമാറിനും തുഞ്ചന്‍ സ്മരക സമിതി ഫെല്ലോഷിപ്പുകള്‍ ലഭിച്ചത്.

ഫെല്ലോഷിപ്പിന് അര്‍ഹരായവര്‍;  പി. പരമേശ്വരന്‍ (സാംസ്‌കാരിക ദര്‍ശനം), സി.രാധാകൃഷ്ണന്‍ (സാഹിത്യം, പാരിസ്ഥിതിക ജാഗ്രത), ഡോ. പുതുശ്ശേരി രാമചന്ദ്രന്‍ ( ഭാഷാ ഗവേഷണം), എം.കെ. അര്‍ജ്ജുനന്‍ (സംഗീത സംവിധാനം), ഡോ. ഡി.ബാബുപോള്‍ (വൈജ്ഞാനിക സാഹിത്യം, പ്രഭാഷണം), പ്രൊഫ. ജി.എന്‍.പണിക്കര്‍ (സാഹിത്യം, സമൂഹ്യ വിമര്‍ശനം), കാനായി കുഞ്ഞുരാമന്‍ (ശില്‍പ്പകല), കെ.ജയകുമാര്‍ (ഗാനരചന), ഡോ.ടി.ജി. രാമചന്ദ്രന്‍ പിള്ള (കവിത), എം.എന്‍.കാരശ്ശേരി (ദാര്‍ശനികത), നെല്ലിയോട് വാസുദേവന്‍ നമ്ബൂതിരി (കഥകളി), പ്രൊഫ. കാട്ടൂര്‍ നാരായണ പിള്ള (ചിത്രകല)

The post തുഞ്ചന്‍ സ്മാരക സമിതി ഫെല്ലോഷിപ്പ് പ്രഖ്യാപിച്ചു appeared first on DC Books.

അന്താരാഷ്ര്ട പുസ്തകോത്സവ സമിതിയുടെ ആഭിമുഖ്യത്തിലുള്ള ഈ വര്‍ഷത്തെ ബാലാമണിയമ്മ പുരസ്‌കാരത്തിനു കവി എസ്. രമേശന്‍ നായര്‍ അര്‍ഹനായി.  25,000 രൂപയും പ്രശസ്തിപത്രവും ഫലകവും അടങ്ങുന്നതാണു പുരസ്‌കാരം.

കവിയും ഗാനരചയിതാവും ക്ലാസിക് കൃതികളായ തിരുക്കുറളിന്റെയും ചിലപ്പതികാരത്തിന്റെയും വിവര്‍ത്തകനുമാണ് എസ്.രമേശന്‍നായര്‍.

ഡിസംബര്‍ ആറിന് അന്താരാഷ്ര്ട പുസ്തകോത്സവ വേദിയില്‍ തമിഴ് സാഹിത്യകാരന്‍ അശോകമിത്രന്‍ പുരസ്‌കാരം സമര്‍പ്പിക്കും.

The post ബാലാമണിയമ്മ പുരസ്‌കാരം എസ് രമേശന്‍ നായര്‍ക്ക് appeared first on DC Books.