കേരള സാഹിത്യ അക്കാദമി പുരസ്കാരങ്ങൾ പ്രഖ്യാപിച്ചു; അഞ്ച് ഡി സി ബുക്സ് പുസ്തകങ്ങൾക്ക് അംഗീകാരം

കേരള സാഹിത്യ അക്കാദമി പുരസ്കാരങ്ങൾ പ്രഖ്യാപിച്ചു, ഡി സി ബുക്സ് പ്രസിദ്ധീകരിച്ച അഞ്ച് പുസ്തകങ്ങൾക്ക് അംഗീകാരം. ബി രാജീവൻ്റെ ‘ഇന്ത്യയെ വീണ്ടെടുക്കൽ’ മികച്ച വൈജ്ഞാനിക സാഹിത്യത്തിനുള്ള പുരസ്കാരം നേടി. കെ. വേണുവിൻ്റെ ‘ഒരന്വേഷണത്തിൻ്റെ കഥ’ മികച്ച ജീവചരിത്രം/ആത്മകഥാ വിഭാഗത്തിൽ പുരസ്കാരം നേടി. ബാലസാഹിത്യം വിഭാഗത്തിൽ ഗ്രേസി രചിച്ച ‘പെൺകുട്ടിയും കൂട്ടരും’ എന്ന പുസ്തകവും, സാഹിത്യവിമർശനത്തിനുള്ള പുരസ്‌കാരം പി പവിത്രന്റെ ‘ഭൂപടം തലതിരിക്കുമ്പോൾ’ എന്ന കൃതിയും നേടി. ഗീതാ ഹിരണ്യൻ അവാർഡ് സുനു എ വിയുടെ ഇന്ത്യൻ പൂച്ച എന്ന കൃതിക്ക് ലഭിച്ചു.

മറ്റ് പുരസ്‌കാരങ്ങൾ

അക്കാദമിയുടെ വിശിഷ്‌ടാംഗത്വം (ഫെല്ലോഷിപ്പ്)

(അമ്പതിനായിരം രൂപയും രണ്ടു പവൻ്റെ സ്വർണ്ണപ്പതക്കവും പ്രശസ്തിപത്രവും പൊന്നാടയും ഫലകവുമാണ് പുരസ്കാരം)

• എം.ആർ.രാഘവവാരിയർ
• സി.എൽ.ജോസ്

സമഗ്രസംഭാവന

(120,000/- രൂപയും സാക്ഷ്യപത്രവും പൊന്നാടയും ഫലകവുമാണ് പുരസ്‌കാരം )

മലയാള സാഹിത്യത്തിന് ഗണ്യമായ സംഭാവനകൾ അർപ്പിച്ച എഴുപത് വയസ്സ് പിന്നിട്ട എഴുത്തുകാരെയാണ് ഈ പുരസ്‌കാരത്തിന് പരിഗണിക്കുന്നത്

• കെ.വി.കുമാരൻ
• പ്രേമ ജയകുമാർ
• പി കെ ഗോപി
• ബക്കളം ദാമോദരൻ
• എം രാഘവൻ
• രാജൻ തിരുവോത്ത്

അക്കാദമി അവാർഡുകൾ

(ഇരുപത്തയ്യായിരം രൂപയും സാക്ഷ്യപത്രവും ഫലകവുമാണ് പുരസ്‌കാരം )

• കവിത – തെരഞ്ഞെടുത്ത കവിതകൾ കൽപ്പറ്റ നാരായണൻ
• നോവൽ – സിൻ, ഹരിതാ സാവിത്രി
• ചെറുകഥ – ഉദയ ആർട്സ് ആന്റ് സ്പോർട്സ് ക്ലബ്ബ് എൻ.രാജൻ
• നാടകം – ഇ ഫോർ ഈഡിപ്പസ്, ഗിരീഷ്.പി.സി.പാലം
• യാത്രാവിവരണം- ആംചൊ ബസ്തർ നന്ദിനി മേനോൻ
• വിവർത്തനം- കഥാകദികെ, എ.എം.ശ്രീധരൻ
• ഹാസ്യസാഹിത്യം- വാരനാടൻ കഥകൾ, സുനീഷ് വാരനാട്

എൻഡോവ്മെന്റ് അവാർഡുകൾ

സി.ബി.കുമാർ അവാർഡ് (3000/ രൂപ) (ഉപന്യാസം) 

മഹാത്മാഗാന്ധിയും മാധവിക്കുട്ടിയും, കെ.സി. നാരായണൻ

കെ.ആർ. നമ്പൂതിരി അവാർഡ് (2000/ രൂപ) (വൈദികസാഹിത്യം)

തഥാഗതൻ, കെ.എൻ.ഗണേശ്

ജി.എൻ.പിള്ള അവാർഡ് (40 വയസ്സ് ) (3000 രൂപ ) (വൈജ്ഞാനികസാഹിത്യം) ഇസ്ലാമിക ഫെമിനിസം ഉമ്മുൽ ഫായിസ

യുവകവിതാ അവാർഡ് (35വയസ്സ് -10000രൂപ ) പെണ്ണപ്പൻ, ആദി

പ്രൊഫസർ എം അച്യുതൻ എൻഡോവ്മെന്റ് അവാർഡ് (50വയസ്സ് ) (25,000 രൂപ ) (സാഹിത്യവിമർശനം) അനുഭവങ്ങൾ അടയാളങ്ങൾ, ഒ കെ സന്തോഷ്‌

തുഞ്ചൻ സ്‌മാരക പ്രബന്ധമത്സരം (5000/ രൂപ) ‘സീത – എഴുത്തച്ഛന്റെയും വാല്മീകിയുടെയും കുമാരനാശാന്റെയും, പ്രവീൺ കെ.ടി

വിലാസിനി പുരസ്കാരം ( 50,000/ രൂപ) (നോവൽ പഠനം/ നോവലിസ്റ്റിനെ ക്കുറിച്ചുള്ള പഠനം)- പുരസ്കാരത്തിന് അർഹമായ കൃതി ഇല്ല