ഇംഗ്ലീഷ് ഭാഷയിലേക്കുള്ള വിവര്‍ത്തനത്തെ പ്രോത്സാഹിപ്പിക്കുന്നതിന് പെന്‍ അമേരിക്ക നല്‍കുന്ന സാഹിത്യ ഗ്രാന്റിന് മലയാളി 
വിവര്‍ത്തക ഡോ. വൃന്ദ വര്‍മ്മ അര്‍ഹയായി. 2018-ലെ ഡി സി നോവല്‍ പുരസ്കാര പട്ടികയില്‍ ഇടംനേടിയ എസ്.ഗീരീഷ് കുമാറിന്റെ ‘അലിംഗം‘ എന്ന നോവലിന്റെ ഇംഗ്ലീഷ് വിവര്‍ത്തനത്തിനാണ് പുരസ്‌കാരം. 4000 അമേരിക്കന്‍ ഡോളറാണ് ഗ്രാന്റ്. ഏപ്രില്‍ 29ന് ന്യൂയോര്‍ക്കില്‍ നടക്കുന്ന ചടങ്ങില്‍ വൃന്ദ വര്‍മ്മ പുരസ്‌കാരം ഏറ്റുവാങ്ങും.
സ്ത്രീവേഷങ്ങളിലൂടെ മലയാളികളുടെ മനം കവര്‍ന്ന ഓച്ചിറ വേലുക്കുട്ടി എന്ന നായികാനടന്റെ ദ്വന്ദ്വ ജീവിതസംഘര്‍ഷങ്ങള്‍ ആവിഷ്‌കരിക്കുന്ന നോവലാണ് ‘അലിംഗം‘. മലയാള നാടക ചരിത്രത്തില്‍ വ്യക്തിമുദ്രപതിപ്പിച്ച ഒരു നടന്റെ വൈയക്തിക ജീവിതം ചരിത്രവും ഭാവനയും ഇടകലര്‍ത്തി ആവിഷ്‌കരിക്കുമ്പോള്‍ ഇന്നും സമൂഹം അകറ്റിനിര്‍ത്തുന്ന മൂന്നാം ലിംഗക്കാരുടെ സങ്കീര്‍ണ്ണമായ ജീവിതാവസ്ഥ കളിലേക്കുകൂടി വെളിച്ചം വീഴ്ത്തുവാന്‍ ഈ നോവലിനു കഴിയുന്നു.
പുസ്തകം വാങ്ങാന്‍ ക്ലിക്ക് ചെയ്യൂ
The post പെന്‍ അമേരിക്ക സാഹിത്യ ഗ്രാന്റ് ഡോ.വൃന്ദ വര്‍മ്മയ്ക്ക് first appeared on DC Books.