ആര്‍. ശങ്കര്‍ ഫൗണ്ടേഷന്‍ ഓഫ് കേരളയുടെ പ്രഥമ പുരസ്‌കാരം ഡോ.വി.പി ഗംഗാധരന്. 50,001 രൂപയും കീര്‍ത്തി പത്രവും ഫലകവുമാണ് പുരസ്‌കാരം.
ഡോ.ഡി. ബാബുപോള്‍, ഡോ.എം.ആര്‍. തമ്പാന്‍, കാട്ടൂര്‍ നാരായണപിള്ള എന്നിവരടങ്ങിയ സമിതിയാണ് പുരസ്‌കാര നിര്‍ണയം നടത്തിയത്. നവംബര്‍ 11ന് കനകക്കുന്നില്‍ നടക്കുന്ന ചടങ്ങില്‍ മുന്‍ മുഖ്യമന്ത്രി ഉമ്മന്‍ ചാണ്ടി പുരസ്‌കാരം സമ്മാനിക്കും.
ലീഡര്‍ കെ. കരുണാകരനു നല്‍കാന്‍ തീരുമാനിച്ചിരുന്ന ആര്‍. ശങ്കര്‍ അവാര്‍ഡ് മരണാനന്തര ബഹുമതിയായി ചടങ്ങില്‍ നല്‍കും. കെ.മുരളീധരന്‍ എംഎല്‍എ പുരസ്‌കാരം ഏറ്റുവാങ്ങും. കൂടാതെ മുന്‍ ഗവര്‍ണര്‍ എം.എം. ജേക്കബ്, കവയത്രി സുഗതകുമാരി, മുന്‍ അംബാസിഡര്‍ ടി.പി. ശ്രീനിവാസന്‍, റവ.ഡോ.ഫെര്‍ഡിനാന്റ് കയാവില്‍ എന്നിവരെയും ആദരിക്കും. ആര്‍. ശങ്കര്‍ ഡോക്യുമെന്ററിയുടെ സ്വിച്ച് ഓണ്‍ മേയര്‍ വി.കെ.പ്രശാന്ത് നിര്‍വഹിക്കും.
The post ഡോ. വി പി ഗംഗാധരന് ആര്‍ ശങ്കര്‍ പുരസ്‌കാരം appeared first on DC Books.