കേരള സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ടിന്റെ 2020ലെ ബാലസാഹിത്യ പുരസ്കാരങ്ങള് പ്രഖ്യാപിച്ചു. പാലാ കെ എം മാത്യു പുരസ്കാരം ശ്രീജിത് പെരുന്തച്ചനാണ്. കുഞ്ചുവിനുണ്ടൊരു കഥ പറയാന്‍ എന്ന നോവലാണ് പുരസ്കാരത്തിന് അര്‍ഹമായത്.
മറ്റ് വിഭാഗങ്ങളിലെ പുരസ്കാരങ്ങള് താഴെ കൊടുക്കുന്നു
• കഥ/നോവല്‍ – മൈന ഉമൈബാന്‍ (ഹൈറേഞ്ച് തീവണ്ടി)
• കവിത – പകല്‍ക്കുറി വിശ്വന്‍ (ചക്കരക്കിണ്ണം)
• വൈജ്ഞാനികം – സന്ധ്യ ആര്‍ (നമ്മുടെ ബാപ്പു)
• പുനരാഖ്യാനം – ഇ എന്‍ ഷീജ (അങ്ങനെയാണ് മുതിര ഉണ്ടായത്)
• ശാസ്ത്രം – ഡോ. ടി ആര്‍ ജയകുമാരി, ആര്‍ വിനോദ്കുമാര്‍ ( കുറിഞ്ഞികള്‍ കഥ പറയുന്നു)
• ജീവചരിത്രം/ആത്മകഥ – ഡോ. വിളക്കുടി രാജേന്ദ്രന്‍ (കുട്ടികളുടെ വൈലോപ്പിള്ളി)
• ചിത്രീകരണം – എന്‍ ജി സുരേഷ്‍കുമാർ പുല്ലങ്ങടി (ബീര്‍ബല്‍ കഥകള്‍)
• നാടകം – കെ കെ അശോക്‌കുമാര്‍, കെ ശശികുമാര്‍ (കുഞ്ഞുണ്ണിയുടെ യാത്രാപുസ്തകം)
• പ്രൊഡക്‌ഷൻ – മാതൃഭൂമി ബുക്സ് (ടോൾസ്റ്റോയ് പറഞ്ഞ ഈസോപ്പ് കഥകൾ)
2017,18,19 വര്‍ഷങ്ങളില്‍ ആദ്യപതിപ്പായി പ്രസിദ്ധീകരിച്ച ബാലസാഹിത്യ പുസ്തകങ്ങളാണ് പുരസ്‌കാരത്തിനായി പരിഗണിച്ചത്. 60,001/- രൂപയും ഫലകവും പ്രശസ്തിപത്രവും ചേരുന്നതാണ് പാലാ കെ എം മാത്യു പുരസ്കാരം. 20,000/- രൂപയും ഫലകവും പ്രശസ്തിപത്രവും അടങ്ങുന്നതാണ് മറ്റു വിഭാഗങ്ങളിലെ പുരസ്കാരം. പുരസ്കാരസമര്‍പ്പണത്തിനുള്ള തീയതി പിന്നീട് അറിയിക്കും.
The post ബാലസാഹിത്യ പുരസ്കാരങ്ങള് പ്രഖ്യാപിച്ചു first appeared on DC Books.