സാഹിത്യരംഗത്തെ സമഗ്രസംഭാവനക്കുള്ള ജോസഫ് മുണ്ടശ്ശേരി അവാര്‍ഡ് കവി കെ. സച്ചിദാനന്ദന് ലഭിച്ചു. വര്‍ഗീയതയും ഫാഷിസ്റ്റ് പ്രവണതകളും വിഷം ചുരത്തുന്ന വര്‍ത്തമാനകാലത്ത് മതേതര ഇന്ത്യയുടെ സാംസ്‌കാരിക മുഖമായി എഴുത്തിന്റെ രംഗത്ത് ചാഞ്ചല്യമില്ലാതെ അദ്ദേഹം അടിയുറച്ചു നില്‍ക്കുന്നതായി അവാര്‍ഡ് കമ്മിറ്റി വിലയിരുത്തി.
50001 രൂപയും പ്രശസ്തിപത്രവും ഫലകവുമടങ്ങുന്നതാണ് പുരസ്‌ക്കാരം. ഒക്ടോബര്‍ 29-ന് തിരുവനന്തപുരത്ത് അയ്യന്‍കാളി ഹാളില്‍ നടക്കുന്ന പരിപാടിയില്‍ മുഖ്യമന്ത്രി പിണറായി വിജയന്‍ പുരസ്‌ക്കാരം സമ്മാനിക്കും.