യുവ എഴുത്തുകാരനും തിരക്കഥാകൃത്തുമായ പി വി ഷാജികുമാറിന് പ്രഫമ എ എസ് അനൂപ് സ്മാരക പുരസ്‌കാരം. സര്‍ഗപ്രതിഭയ്ക്കുള്ള പുരസ്‌കാരത്തിനാണ് ഇദ്ദേഹം അര്‍ഹനായത്. 5,000 രൂപയും ശില്പവും അടങ്ങുന്നതാണ് പുരസ്‌കാരം.
മാതൃഭൂമി ഓണ്‍ലൈന്‍ സബ് എഡിറ്ററായിരുന്ന അനൂപ് എ എസിന്റെ സ്മരണാര്‍ത്ഥം മഞ്ചേരി ഇന്റോഷയര്‍ എന്ന കൂട്ടായ്മയാണ് പുരസ്‌കാരം ഏര്‍പ്പെടുത്തിയത്.
അച്ചടി മാധ്യമവിഭാഗത്തില്‍ സജിനി മഠപ്പറമ്പിലും(മാതൃഭൂമി-മലപ്പുറം), മികച്ച ന്യൂസ് കാമറാമാനുള്ള പുരസ്‌കാരം പി വി സന്ദീപിനും ലഭിച്ചു ദൃശ്യമാധ്യമരംഗത്തെ മികച്ച റിപ്പോര്‍ട്ടറായി എസ് മഹേഷ് കുമാറി( മനോരമ ന്യൂസ്)നെയും തിരഞ്ഞെടുത്തു.
മെയ് 20 ന് മഞ്ചേരി മുന്‍സിപ്പല്‍ ടൗണ്‍ഹാളില്‍ നടക്കുന്ന ചടങ്ങില്‍ സംവിധായകന്‍ ജയരാജ് പുരസ്‌കാരങ്ങള്‍ വിതരണം ചെയ്യും.