കെ പി അപ്പന്‍ സാഹിത്യ പുരസ്‌കാരം ഡോ ആര്‍ ഭദ്രന്. അദ്ദേഹം എഴുതിയ സംസ്‌കാര ജാലകം എന്ന പുസ്തകത്തിനാണ് പുരസ്‌കാരം. 25,000 രൂപയും പ്രശസ്തി പത്രവും ഫലകവും അടങ്ങുന്നതാണ് പുരസ്‌കാരം. മലയാളത്തിലെ ആദ്യ ബ്ലോഗ് നിരൂപണ ഗ്രന്ഥമാണ് സംസ്‌കാരജാലകം.
കൊല്ലം ഏസ്‌തെറ്റിക് ക്രിയേറ്റീവ് ഗ്രൂപ്പാണ് പുരസ്‌കാരം നല്‍കുന്നത്. ചൊവ്വാഴ്ച ആലപ്പുഴ എസ് ഡി കോളജില്‍ നടക്കുന്ന കെ പി അപ്പന്‍ സ്മൃതി സദസ്സില്‍ പുരസ്‌കാരം സമ്മാനിക്കും. പത്തനംതിട്ട കാതോലിക്കേറ്റ് കോളജ്, കോട്ടയം ബസേലിയോസ് കോളജ് എന്നിവിടങ്ങളിലെ മലയാളം വിഭാഗം അധ്യാപകനായിരുന്നു ഡോ ആര്‍ ഭദ്രന്.