ശ്രീരാമകൃഷ്ണസേവാ പുരസ്‌കാരത്തിന് മാധ്യമപ്രവര്‍ത്തകനും എഴുത്തുകാരനുമായ എം പി വീരേന്ദ്രകുമാര്‍ അര്‍ഹനായി. ശ്രീരാമകൃഷ്ണ – വിവേകാനന്ദ സാഹിത്യത്തിന് മലയാളഭാഷയിലൂടെ നല്‍കിവരുന്ന സംഭാവനകള്‍ പരിഗണിച്ചാണ് പുരസ്‌കാരം. 10001 രൂപയും കീര്‍ത്തിഫലകവുമാണ് പുരസ്‌കാരം.
അഖിലകേരള ശ്രീരാമകൃഷ്ണ ഭക്തസമ്മേളനത്തോടനുബന്ധിച്ചാണ് പുരസ്‌കാരം ഏര്‍പ്പെടുത്തിയിട്ടുള്ളത്. മേയില്‍ ആലുവാമണപ്പുറത്ത് നടക്കുന്ന സമ്മേളനത്തില്‍ പുരസ്‌കാരം സമ്മാനിക്കും.