വിദ്യാഭ്യാസ ആരോഗ്യ പ്രവര്‍ത്തകനുള്ള അഴീക്കോട് സ്മാരക പുരസ്‌കാരം ഡോ ബി ഇക്ബാലിന്. 11,111 രൂപയും പ്രശസ്തിപത്രവും അടങ്ങുന്നതാണ് പുരസ്‌കാരം. ഡോ സുകുമാര്‍ അഴീക്കോട് വിചാരവേദിയാണ് പുരസ്‌കാരം ഏര്‍പ്പെടുത്തിയത്. അഴീക്കോടിന്റെ അഞ്ചാം ചരമവാര്‍ഷിക ദിനമായ ജനുവരി 24ന് പുരസ്‌കാരം സമ്മാനിക്കും.
തോട്ടപ്പള്ളി 321-ാം എസ് എന്‍ ഡി പി ശാഖാ യോഗാങ്കണത്തില്‍ വൈകിട്ട് നാലിനാണ് പുരസ്‌കാരദാനം. ഡോ സുകുമാര്‍ അഴീക്കോട് ഫൗണ്ടേഷന്‍ ചെയര്‍മാന്‍ അബ്ദുസ്സമദ് സമദാനി പുരസ്‌കാരം സമ്മാനിക്കും. ഡോ സുകുമാര്‍ അഴീക്കോട് ചരമവാര്‍ഷികത്തിന്റെ ഭാഗമായി സംസ്ഥാനതലത്തില്‍ പ്രസംഗ-ഉപന്യാസമത്സരങ്ങള്‍ സംഘടിപ്പിച്ചിട്ടുണ്ട്.